3v3 inelnaah Graceland pakhatna

Basketball Federation of India (BFI) hriatpuinain ACG Jr. NBA 3v3 City League chu Hawla Indoor Stadium, Republic Vengthlangah December 6 khan zawh a ni. Kum 14 hnuai lam inelna a ni a, mipa inelnaah Graceland School an champion a, hmeichhe inelnaah Shillong aṭanga rawn tel Pine Mount School an champion thung.

Graceland School aiawh Michael Lalnunmawia chu Skechers MVP-ah thlan a ni a, hmeichhe lamah Pine Mount School aiawh Wankmenbiang Mawlong chu MVP atan thlan a ni thung. Mipa team champion puitu Phillip Lalnunkima Langsing chuan 112 point ngawt a nei a, top scorer a ni.