AFC leh Namdhari danglamna Brazilian striker

I League-ah Aizawl FC an ṭang khawng thei ta lo, match hmasa pathumah chak loh nei lo mah se niminah erawh Namdhari lakah 3-1 in an tlawm. Namdhari Stadium-ah Mizo hlanga khel Aizawl FC-in De an ngam lo a, Brazilian striker hian hattrick a siam.

Mizo coach Victor Lalbiakmawia'n anmahni hnuaia awm Namdhari lakah chak tumin ruahmanna a siam a, an match hnuhnung ber aṭangin player pahnih a thlak. Goalkeeper Lalhriatpuia a inhliam avangin Joel B. Lalramchhana a luh bakah Augustine Lalrochana aiah Sawma Tlangte te bul a ṭantir.

RG Stadium-ah Aizawl FC tlarhnung phui ṭha ṭhin viau mah se Ludhiana khaw vawt hnuaiah erawh a phui rei lo. Kum 26 mi Brazilian striker De-a'n first half-ah goal hnih a khung hnuin second half-ah hattrick siamna goal a khung.

Punjab club-in pressing game an khel a, Mizo club an che thei lo. Aizawl FC-in goalkeeper Hriatpuia awm loh an tuar a, hun tawp dawna Lalhriatpuia goal khungin result a ti danglam pha lo. Farkawn/Republic Veng tlangval hian match hnuhnung pathumah goal a khung vek.