FIFA ṭha zawk beiseitu Beckham

England captain hlui David Beckham pawh FIFA buaina chungchangah a ṭawng chhuak ve ta.

Manchester United midfielder hlui chuan, "Tunah chuan kawng dik lam zawhin FIFA hian ke a pen mek niin ka hria. Tunhnaia thil thleng te hi a pawm zam theih loh, thil ṭha lo leh kan game ngainat ti bawrhbang thei thil a ni" a ti.

Beckham chuan, "Football hi mi pakhat ta a ni lo a, khawvel hmun hrang hranga he game ngainatu mi maktaduai tam tak ta a ni. FIFA hian inthlak danglam a mamawh a, chu chu nghakhlel takin kan thlir a ni," tiin a sawi.