Barca fan-te'n Figo an la ngaidam lo

5th June, 2015

Europe-a football thuneitu sang UEFA in Champions League urlawk nana Ultimate Champions Match-a buatsaih turah Barcelona-Juventus legend team-ah Luis Figo telh zet mahse Catalan club hian Figo telh an duh loh avangin UEFA chuan Figo hi team aṭangin a paih.

Vawiina khelh tur Ultimate Champions Match-ah hian Barcelona-Juventus legend team leh World XI te an inkhel dawn a ni.

Portuguese player ropui Figo hian kum 2000 khan pound maktaduai 37 laiin Barcelona aṭangin Real Madrid a zawm a, Barca fan-te'n an theihnghilh thei lo. A hunlai hian Nou Camp-a inkhelah Figo hi vawk lu te hialin Barca fan te hian an vawm a ni.