Advocaat-a'n a rilru a thlak

Thla hmasa lawka coaching chawlhsan a duh avanga Sunderland manager hna bansan tur anga insawi Dick Advocaat chuan a rilru thlakin kum khat dang Sunderland enkawl leh a tum.

Kum 67-a upa Advocaat hian March thla khan Sunderland hi zawmin tlak hlauhawma ding kha chhanhimin season thara Premier League khel leh thei turin a ṭanpui.

Sunderland pawhin an manager hnathawh hi an hai loh avangin season tawp rual khan kum khat dang cham leh turin contract thar an zawrh a, chawlh hahdam mamawh tawh nia a inrhiat avangin Dutch coach hian a lo hnar tawh.

Dutch coach hian Sunderland a enkawl hma in Glasgow Rangers, PSV Eindhoven leh Zenit St Petersburg a lo enkawl tawh a, league-ah a champion pui vek.

Russian club Zenit hi a chet ṭhatpui lehzual a, kum 2008 UEFA Cup a chawipui bakah kum 2009 UEFA Super Cup-ah Manchester United hnehin a champion pui a ni.