Wilshere an hrem dawn

Arsenal midfielder Jack Wilshere chu an hmelma Tottenham deuhsawhna hla a sak avangin England-a football thuneitu sang FA chuan a hrem dawn.

Wilshre hi pawisa chawi tir tur a nih bakah inkhel thei lo tur a hrem theih a ni bawk. June 10 thleng insawifiah theihna hun a nei ang.

Pathianni khan Arsenal hian FA Cup champion lawmin kawng an zawh a, au rinna hmangin Wilshere hian an hmelma Spurs chu a deusawh vel a ni. Arsenal player pawimawh hi inchhirin Twitter hmangin ngaihdam dil mah se FA chuan a thil tih hi a ngaizam dawn lo.

Tuchhuah siamin FA chuan, "Jack Wilshere-a'n an champion lawmna huna a thil tih kha football hmai ti bal thei a nih avangin ngaihzam mai mai theih a ni lo a, a chungah hremna lek kawh a ni ang," tiin thuchhuah an siam.