Real Kashmir tan Ramsanga goal

I League-ah Real Kashmir leh team ṭha Inter Kashi te 1-1 in an inhnehtawk a, Mizo tlangval Lalramsanga'n Kashmir tan goal hmahruai a khung. Nimin inkhelah Aizawl FC aṭanga Kashmir zawmtu Ramsanga'n minute riatna lekah goal hmahruai a khung a, mikhual team-in Domi Berlanga hmangin minute 69-naah an sut.

TRC Polo Synthetic Turf Ground-a inkhelah mualneitu tan Ramsanga leh Lalramdinsanga Ralte ten bul an ṭan a, Inter Kashi tan Edmund Lalrindika'n bul a ṭan bawk. Team pahnihin match li khelh aṭangin point riat ve ve an hmu a, chak loh an la nei lo.

December 8, Pathianni zan khan Shillong Lajong chuan Rajasthan FC 8-0 ngawtin an sawp. Rajasthan hian Aizawl FC hmachhawn turin Mizoram an rawn pan nghal dawn a, Victor Lalbiakmawia leh a hoten Lajong sawp hnu hi hneh ve ngei an tum dawn a ni.