India an hlauthawng lo - Rohit

Australia-in Test match vawi hnihnaah India chu wicket 10-in an hneh a, Test match hmasa bera chak loh hnuin mualneitu Aussies an rawn tho chhuak chiang hle.

India captain Rohit Sharma chuan, "Australia kan hlauh vang lam a ni lo a, kan khehl ṭhat tawk loh avangin Test match-ah kan chak lo ve mai. Ti khan 1-1 a ni chauh a, khelh tur a la tam a, keini tan thochhuah theihna hun ṭha a la tam. Inkhel thlir let a, hlauthawng taka awm ka tum lo," tiin a sawi.

Adelaide Oval-a inkhelah India-in bat hmasain 180 runs chauh an siam a, Australia-in 337 runs-in an chhang let. Innings vawi hnihnaah India-in 175 runs an siam leh a, target an chhawp zat chu 19 runs chauh a ni. Aussies-in harsatna nei loin target an um pha a, India an mualpho.

Rohit chuan, "Australia rama Test match-a chak tur chuan run siam tam a pawimawh ber a, batting lamah kan tih tur kan ti tawk lo. Eng harsatna pawh tawk dawn ila, hmachhawn kan duh," tiin a sawi.

India leh Australia hian December 14-18, 2024 chhung hian Test match vawi nga an khelh tura vawi thumna chu The Gabba, Brisbane-ah an khel leh ang.