Mohun Bagan-in dinhmun sawh nghet

Indian Super League table chung berah Mohun Bagan an awm chhunzawm zel - Kolkata club hian Pathianni zan khan NorthEast United chu 2-0 in an hneh a, Manvir Singh leh Liston Colaco ten goal khat ve ve khungin, Highlander hian a chhanletna tur an nei lo.

Pathianni zana ISL inkhelah hian Lalengmawia Ralte (Apuia) chu Mizo player inlan awmchhun a ni a, Vaivakawn tlangval hian minute 90 a khel tluan.

Bagan hian tun season-ah league match 10 khel tawhin, vawi khat chiah an la tlawm a, vawi sarih chak tawhin, vawi hnih draw an nei - table chung ber an luah mek a, an hnuai chiaha awm Bengaluru nen an point hmuh zat a inang a, mahse, Bangalore club hi match khatin an khel tam thung.

ISL hi nizanah inkhel awm loin, zaninah pawh an chawl ang a, December 11, Nilaini zanah Chennaiyin chuan Hyderabad an mikhual ang.