Arjuna Awardee Prasad a thi

Indian national foot­ball team captain hlui Chandreshwar Prasad chu Nilaini khan a thi a, a nupui bakah fapa leh fanu pahnih ve ve a kalsan.

Prasad hi a inkhelh hunlaiin defender a ni a, Indian Tube Company, Bihar (1962-64), Ben­gal-Nagpur Railway, Calcutta (1964-65), East Bengal Club (1965-66), Mohun Bagan AC (1966-73) leh Mohammedan Sporting Club (1973-75) tan a khel ṭhin.

Chandreshwar Prasad hun lai hian India football team hi Asia-ah lang pha a, 1971 khan Pesta Sukan Tournament-ah South Korea nen joint winner a ni. 1966 leh 1970 Asian Games-ah Prasad hi India tan inlan a, kum 1970 hian India-in bronze medal an dawng.

Kum 70 upa Prasad hian kum 1971 khan India sorkar aṭangin Arjuna Award a dawng. Arjuna Award hi infiammite tana chawimawina dawn theih hlu ber dawttu a ni a, hemi chungah hian Rajiv Gandhi Khel Ratna Award a la awm.