Premier League hlawkna a pung

Deloitte chuan kum 2013-2014 chhunga English Premier League club-te sum leh pai chet vel dan an zirchianna tichhuakin English club ho hian season dang zawng aiin sum an lalut hnem.

Zirchiannain a tarlan dan chuan Premier League club zawng zawng sum lakluh belhkhawm hi 2012-2013 season aiin 29% in a sang zawk a, a vaiin pound tluklehdingawn 3.6 a ni. An sum lakluh aṭanga Premier League club te'n hlawkna an tel zat chu chhiah pek hmain pound maktaduai 187 a ni a, kum 1999 hnua a tam ber ṭum a ni.

Premier League sum che vel zat hi La Liga leh Serie A aiin a tam zawk a, anmahni khing pha teuh ber Bundesliga aia Premier League sum lakluh tam zawkna zat hi pound tluklehdingawn khat zet a tling.

Deloitte-in a tarlan dan chuan Premier League club-te hlawkna pun chhan hi Tv rights aṭanga an sum lakluh a pun tak vang a nih mai bakah UEFA Financial Fair Play rule-in transfer bazar-a sum che vel tam lutuk tur a khuah khirh sak vang a ni pakhat bawk.