England-a kir duh Berbatov

Dimitar Berbatov chuan Premier League a kir leh a chak thu a sawi. Monaco-a a contract a hman zawh tak avangin tuanah hian Berbatov hian a duh lam a hawi thei mek.

Kum 34-a upa Bulgarian striker Berbatov hi EPL-ah a lo kir leh a nih pawhin mikhual a ni hran lo ang. Kum 2006 aṭanga 2014 inkar khan Tottenham, Manchester United leh Fulham tan te a lo khel kual tawh a ni.

Berbatov chuan Premier League-a a kal chak thu sawiin, "Football ngainatu tam ber ten an en Premier League a khelh hi player te chuan ka duhin kan chak a ni. Tunah hian ka taksa ala fit ṭhat avangin inkhel turin ka la inpeih a, EPL ka khel leh thei a nih chuan ka tan chuan a lawmawm khawp ang," a ti.

Frenchu Ligue 1 club Mo­naco tan Berbatov-a'n season khat hun a hman chhungin inelna hrang hrangah match 38 khelin goal 13 a khung. Kum 2008 aṭanga 2011 khan Manchester United tan a khelh laiin Premier League nomawi vawi hnih a chawi tawh bakah 2007-08 season khan Spurs chu League cup a lo chawi pui tawh bawk.