Bagan draw vangin nomawi kan chan lo - Chhetri

Bengaluru-in I League match hnuhnung berah Mohun Bagan chu an khel­mual Kanteerva Stadium-ah an draw a, Kolkata club an champion.

Federation Cup an champion ṭuma captain Sunil Chhetri hi match pawimawhah hian bench-ah ṭhuttir a ni a, hun tawp hma hretin a lut.

Kum 30-a upa Chettri chuan, "Match hnuhnung ber vanga chak lo kan ni lo. Kan khelmuala Royal Wahingdoh kan hmachhawn ṭumte, khualmuala Mumbai FC hneh deuh chunga goal kan khung thei lote, match hmasa bera Dempo SC kan khelh ṭuma penalty ka hlah avanga kan indraw te kha kan champion loh chhanah a tel vek," tiin match khat vanga champion an nih loh thu a sawi.

Bengaluru forward Sean Rooney contract a tawp a, Australia U20 player hlui hian Victorian Premier League khel turin Oakleigh Cannons FC a zawm dawn.

Bengaluru chuan Aus­tralian forward thlak turin Kim Seong-Yong (Royal Wahingdoh) leh Seminlen Doungel (Shillong Lajong) te an la lut.