Pedro-a'n contract thar a ziak

Barcelona forward Pedro chuan kum 2019 thleng cham turin contract thar a ziak.

Spain international Pedro contract neih lai hi tun season tawp ruala zo ve tawh tur a ni a, a contract thar a ziah fel tlai avang hian chhuak tur anga ngaih a ni hman tawh. Premier League club Arsenal nen pawh sawi zawm a lo ni hman hial. Mahse, tunah chuan a chhuak dawn lo tih a chiang ta.

Luis Enrique enkawl­na hnuaiah Lionel Messi, Luis Suarez leh Neymar te an inkawp fuh em em avangin Pedro tan hmun lailum chan a harsa tawh hle a, mahse club danga chhuah ai chuan hmun nghet chan tuma beih a thlang ta zawk a ni.

Kum 27-a upa Pedro hi barcelona aṭanga inzir chhuak niin kum 2008 aṭang khan first team-ah hmun a chang ṭana, a club tan hian match 204 khel tawhin goal 58 a khung tawh. An ram Spain tan pawh vawi 50 inlan tawhin goal 16 a khung tawh bawk.