FIFA ranking thar berah Belgium an sang

Belgium-in FIFA ranking chhuak thar berah dinhmun duhawm an luah a, an ram football chanchina a vawi khat nan FIFA ranking-ah pahnihna an ni. Belgium hian hei aia sang hi tunhma in an la thleng ngai lo.

FIFA ranking chhuak tharah hian Germany chu pakhatna niin Argentina chu pathumna an ni. Football ram ropui zingah England an hniam hle a, 15 na dinhmun an hauh pha ṭawk.

Eden Hazard-a te ram Belgium hi Euro 2016 qualifying round-ah an che ṭha hle a, Group B-ah pakhatnaah awm mekin an hnuai chiaha awm Wales aiin goal difference-ah an sang zawk. FIFA ranking-a hma an sawn chhan a ni.

India pawhin step ruk lai zuan kanin hma a sawn a, FIFA ranking chhuak thar berah hian 141 naah a inhlangkai. South Asia ram zingah India hi ranking sang ber a ni.

Fifa world ranking top 10 - June 2015

1. Germany 2. Belgium 3. Argentina 4. Colombia 5. Brazil 6. Netherlands 7. Portugal 8. Uruguay 9. France 10. Spain