Ram tana khelh la inbeisei Defoe

Sunderland striker Jermain Defoe chuan manager Roy Hodgson-a enkawl England team-ah khelh theih ala inbeisei thu a sawi.

Kum 32-a upa Defoe hian January thla khan Toronto FC aṭangin Black Cats a zawm a, goal pawimawh tak vawi li khungin a team te chu kum thara Premier League khel chhunzawm turin hmun him a thlen pui.

England striker Defoe chuan, "Ram tana inkhelh ka la chawlhsan loh avangin manager Hodson tan chuan duh hun huna koh theih reng ka ni. Season ṭha tak ka hman avangin England aiawh turin ka ṭha tawk tih ka lantir a,beiseina ka nei sang ve hle. Eng nge lo thleng chu kan thlir ang chu," tiin ram tana inkhelh leh theih a inbeisei hle.

Defoe hian England tan match 55 a khelh tawh aṭangin goal 19 a khung tawh.