Arsenal-ah Monreal a hlim

Arsenal full-back Nacho Monreal chuan kum khat chauh contract a nei tawh a, Spain club Athletic Bilbao nen sawi zawm ni mah se London club-a a hlim thu a sawi.

Kum 29-a upa Monreal chuan, "He hmuna kum khat daih contract ka la neih hi hman zawh ngei ka duh. Arsenal tana ka khel thei ringawt pawh hi ka tan chuan chawimawina a tling tawh a, he hmuna inkhelh hi a nuamin ka hlim tak zet. Kan manager Arsene Wenger hian khel tura min la duh a nih chuan ka tan chuan a lawmawm hle ang. Contract thar ziak tura min ti a nih pawhin ka tan chuan harsatna a awm lo," tiin a contract pawh sei a châk thu a sawi.

Kum 2013 khan Malaga aṭangin Monreal hian Emirates Stadium a pan a, Arsene Wenger-a hnuaiah match 61 khel tawhin goal khat a khung tawh. Spanish left back hian ram tan match 16 a khel tawh bawk.