Leicester player thar Fuchs

Premier League cub Leicester City chuan an squad ti chak turin defender Christian Fuchs chu a free-in an lalut. An inremnaah chuan Fuchs hian Leicester tan kum thum chhung a khel ang.

Austria international left-back Fuchs hian a club hlui Schalke tan kum li chhungin match 60 a khel tling hman. Tun nupui transfer inhawnlaia Leicester-in an player lakluh hmasak ber a ni.

Fuchs chuan Premier League a khel tur chu a hlim thu sawiin, "Premier League khelh hi ka duhthusam a ni ṭhin a, tunah chuan ka duh leh beisei ṭhin chu a thleng dik dawn ta. Leicester-ah hian chona thar ka hmachhawn dawn a, a ṭha thei ang bera khelh ka tum ang," tiin a sawi.

Leicester hian tun season liamta a an match hnuhnung pakua aṭangin vawi sarih ngawt hnehna an chang thei a, point 41 hmuin table-ah 14 na an ni phak.