Keeper goal khung thei Ceni

Brazilian keeper, a goal khung theih vanga lar em em Rogerio Ceni chu Sao Paulo tana goal khung hnem top 10 zingah a lang.

Kum 42-a upa goal­keeper, penalty leh free kick pet thiam hming­thang Ceni hian Nilaini khan Santos 3-2 a an hneh ṭumin goal a khung a, a club Sao Paulo tan goal 128 a khungna chiah a ni.

Sao Paulo club chuan twitter lamah, "Vawiinah hian Ceni chuan attacker tam tak tih theih loh a ti a ni," tiin an goalkeeper an lawmpuina thu an ziak.

Kum 2005 khan Ceni hian a club tan goal 21 khungin striker tam tak aiin goal a khung hnem zawk! Hemi kum vek hian Club World Cup final-ah Liverpool nen inhmachhawn ṭumin ropui takin a che a, a club Sao Paulo a champion pui. Kum 2004-2007 inkar season thum chhung khan goal 47 zet a khung bawk.

Kum 2002 World Cup champion Brazil squad-a tel Ceni hian Copa Libertadores pahnih

(South American Cham­pions League) leh Brazil Serie A title vawi hnih a lo chawi tawh a, club pakhat tana match khel hnem ber ni mekin goalkeeper zingah ani aia goal khung hnem an la awm lo.