Rugby player hlui Jerry Collins a thi

New Zealand rugby star hlui Jerry Collins chu nimin khan France-ah a nupui nen car-in an chesual a, a hmunah an boral nghal.

Collins leh a nupui Alana te hian an fanu thla hnih mi lek an kalsan a, an fanu pawh hi car-ah hian chuang vein a dinhmun a ṭha lo hle.

Kum 34-a upa Collins hian kum 2001 khan New Zealand Rugby team tan a khel ṭan a, ram tan hian vawi 48 a inlan hman a ni. Kum 2008 khan ram tana inkhelh chawlhsanin tunah hian French team Narbonne tan a khel mek.