India squad an thlifim Jeje leh Chhuantea an la tel

2018 FIFA World Cup/2019 AFC Asian Cup Pre­liminary Joint Qualification match khelh tur atan India squad an inthlifim a, a hma a Mizo panga lai awm kha tunah chuan pahnih chiah an awm ta.

India probable squad-ah hian 38 koh an ni zet a, mi 12 chhawk leh niin mi 26-ah inthlitfim a ni. Mizo pathum Robert Lalthlamuana (East Bengal Club), Lal­hmangaihsanga leh Lalchhawnkima (Royal Wahingdoh FC) te pawh chhawk zingah hian an tel a, Bengaluru FC defender Lalchhuanmawia leh Mohun Bagan striker Jeje Lalpekhlua te erawh an la tel. India team hian Bangalore-ah training an nei leh ang a, mi 23-ah an inthlifim leh dawn a ni.

India hian Sree Kanteerava Stadium, Bangalore-ah June 11 khian Oman an mikhual ang a, June 16-ah Guam ramah an zin thung ang. India hi Group D-ah awmin Iran, Oman, Turkmenistan leh Guam te nen an awm ho a ni.