FIFA vice-president hlui Warner inpuan tum

Kar hmasa a US department of Justice-in thubuai a siamsak zinga mi FIFA vice-president hlui Jack Warner chuan FIFA chhunga eiruknain bu a khuar dan chungchang a hriat zawng zawng puanchhuah vek a tum thu a sawi.

CONCACAF president-te pawh lo ni tawh chuan kum 2010-a an ram Trinidad and Tobago inthlanna a FIFA hruaitu te inrawlh dan chungchang thlenga puanchhuah tur a neih thu Trinidad and Tobago Television channel pakhat hnenah a sawi.

Kum 72-a upa Warner hi thamna sum lak, mi tham te leh eiruk thubuai siamsak a ni a, a langsar zual zingah South Africa-in 2010 World Cup an thlen nana thamna sum dollar maktaduai 10 la a puh a ni.