Castilla enkawl chhunzawm tur Zidane

Zinedine Zidane chuan Real Madrid Castilla chu kum khat dang a enkawl chhunzawm tur thu a ti chiang ta. 'Castilla' hi Real Madrid 'B' team niin Segunda Division-ah an khel ṭhin.

Spain club ropui Real Madrid B team hi nikum khan Zidane hian a lo enkawl tawh a, Segunda-ah point 58 hmuin parukna a nihpui. French footballer chawlta Zidane hian football manager puitling ni turin UEFA Pro License pawh a nei tawh a, nakinah chuan Real Madrid first team a la enkawl lo ang tih a sawi theih loh.

Zidane chuan a hna chungchang sawiin, "Kum khat cham leh turin thutlukna ka siam ta, hei hi duhthlanna dik tak a ni. Palyer naupang duhawm tak tak enkawl ka chak in ka thlahlel ṭhin. Ni rei lote ka chawl lawk anga, chumi hnuah hna kan ṭan nghal ang. Inelna sang bera manager nih hi ka chak a, chu chu ka tum pawh a ni reng. Engtikah emaw chuan President Florentino Perez hian Real enkawl turin min la duh maithei, chu hun chu a thleng a nih chuan ka hlim khawp ang," tiin Real enkawl a chak thu a sawi lang tel zauh bawk.