Wales-in Belgium kan hlau lo - Coleman

Belgium-in FIFA ranking chhuak thar berah pahnihna dinhmun hauhin hma an sawn nasa hle. Mahse, Euro 2016 qualifying group B-a an elpui ber Wales manager Chris Coleman erawh a buai phah lo.

Fulham manager hlui chuan, "Tumah kan hlau lo. Football-ah hian sulhnu ṭha tak hnutchhiah tur chuan league-ah a ni emaw international football-ah a ni emaw team ṭha tak i hmachhawn ngei ngei a ngai. Belgium hi team ṭha tak an ni tih ka pawm a, sulhnu ropui hnutchhiah turin kan hmachhawn a ngai a, hlau loin kan hmachhawn ang," tiin a naute pawn Belgium hu­phurhna an neih loh thu a sawi.

Wales leh Belgium-te hi Euro 2016 qualifying group B-ah awm dunin goal difference-a an ṭhat zawk vangin Belgium-in hma an hruai mek a, an hnuai chiahah Wales an awm. June 12 khian team pahnih hi an inhmachhawn dawn a, a chak zawk zawkin group hmahruaitu nih theihna hun ṭha an nei dawn bawk a ni.

Player a nih laia Wales tana lo inlan tawh ṭhin Coleman hian Wales hi beisei phak bakin a chet ṭhat pui a, vawi nga inkhelh tawhah vawi thum hnehna chanpuiin vawi hnih an khingpuite an hnehtawk. Euro 2016 khel tura an in pet tling thei a nih ngat chuan kum 1958 hnua tournament liantham an khelh leh hmasak ber tur a ni ang,