AFC Futsal Level 1 Coaching Course an ṭan

Mizoram Football Association leh All Indian Football Federation ṭangkawpin a buatsaih AFC Futsal Level 1 Coaching Course chu December 9, 2024 khan R. Dengthuama Indoor Stadium, Mualpuiah MFA honorary secretary Lalrengpuia'n a hawng. Course hawnnah hian MFA hruaitute bakah MFA Futsal Committee member-te an tel.

Futsal course instructor hi Joshuah Vaz a ni a, Indian National Futsal Head Coach leh AFC Futsal International Tutor a ni. Course hi GAC New Campus, Mualpui leh R. Dengṭhuama Indoor Stadium-ah December 9-14, 2024 chhungin neih a ni ang

Course hawnna hun hi LV Lalthantluanga'n a kaihruai a, MFA Futsal Committee Chairman leh MFA Finance Secretary chuan coaching course-a lo kal zawng zawngte chungah lawmthu a sawi bakah he course hian Mizoram mai bakah India ram chhunga Futsal tan hmasawnna a thlen ngei a beisei thu a sawi bawk.

Instructor Joshuah Vaz chuan, "Futsal hi Mizote thiam chi tak a ni a, National team lamah pawh an thawh hlawk. AIFF-in Asian Futsal Cup khelh phak a tumna kawngah coach te pawimawh a, hei vang hian course lo chhim zawng zawngten theihtawp inchhuah tur a ni," tiin a sawi.