Mizoram karate team ten medal pariat la

42nd BKI National Karate Championship 2024 neih zawh takah Mizoram team chuan gold medal pathum, silver medal pahnih leh bronze medal pathum, a vaiin medal pariat an hlawh chhuak.

Inelna hi Yadavashree Auditorium, Tenkila Puttur, Karnataka-ah neih niin Mizoram State Sports Council bultumin All Mizoram Karate Association chuan player panga a tir chhuak a, Shihan John Lalchungnunga, Kolasib leh team coach sensei Zoremmawia Hlondo, Kolasib te chuan an hruai a ni.

All Mizoram Karate Association (AMKA) chuan Mizo infiammite hlawhtlinna chu lawmawm an tiin; a bul tumtu ber Mizoram State Sports Council (MSSC) chungah lawmthu an sawi bawk a ni.