Fifpro mipa World XI-ah Messi leh Ronaldo te an tel lo
Professional footballer-te thlan Fifpro mipa World XI-ah Lionel Messi leh Cristiano Ronaldo te tan hmun a tawh lo a, Messi hi kum 17 chhunga a tel loh awmchhun a ni.
Tun ṭum World XI-ah hian tlarhmaah Erling Haaland, Kylian Mbappe leh Vinicius Jr te an awm. Player-te hi August 2023 leh July 2024 chhunga an khelh dan aṭanga teh a ni a, Euro 2024 zawha football khelh chawlhsan Toni Kroos pawh season liam ta a chet ṭhat avangin a la tel.
Kroos hi midfield-ah Jude Bellingham, Kevin de Bruyne leh Rodri te nen an awm ho a, tlarhnungah Real Madrid defender pahnih Dani Carvajal leh Antonio Rudiger bakah Liverpool defender Virgil van Dijk te an awm. Goalkeeper-ah Ederson thlan a ni a, Manchester City-in player pali an thawh.
Premier League-in player panga an thawh a, a bak zawng hi Real Madrid player an ni. Player pali Ederson, Dani Carvajal, Antonio Rudiger leh Rodri te chu an vawi khat telna a ni bawk.
Real Madrid hian season liam ta khan La Liga leh Champions League nomawi an chawi bakah UEFA Super Cup an lak bawk avangin player an thawh tam hi a mak hran lo.
Fifpro mipa World XI hi ram 70 aṭangin professional footballer 28,000 chhuangin an thlang a ni.
Fifpro mipa World XI
Goalkeeper: Ederson (Manchester City, Brazil)
Defenders: Dani Carvajal (Real Madrid, Spain), Virgil van Dijk (Liverpool, Netherlands), Antonio Rudiger (Real Madrid, Germany)
Midfielders: Jude Bellingham (Real Madrid, England), Kevin de Bruyne (Manchester City, Belgium), Toni Kroos (Real Madrid, Germany), Rodri (Manchester City, Spain)
Forwards: Erling Haaland (Manchester City, Norway), Kylian Mbappe (Paris St-Germain/Real Madrid, France), Vinicius Jr (Real Madrid, Brazil)
Fifpro hmeichhe World XI
Goalkeeper: Mary Earps (Manchester United/Paris St-Germain, England),
Defenders: Lucy Bronze (Barcelona/Chelsea, England), Olga Carmona (Real Madrid, Spain), Alex Greenwood (Manchester City, England)
Midfielders: Aitana Bonmati (Barcelona, Spain), Alexia Putellas (Barcelona, Spain), Keira Walsh (Barcelona, England)
Forwards: Barbra Banda (Shanghai Shengli/Orlando Pride, Zambia), Linda Caicedo (Real Madrid, Colombi