Ka player-te'n an puitling tih an lantir - Allegri

Juventus manager Mas­simi­liano Allegri-a'n champion nomawi chawi ta lo mah se in­khelh banah a player-te khelh dana a lungawi thu a sawi.

Italian manager Allegri chuan, "Kan team-in final-ah kan tih tur kan hlenchhuak a, kan puitlinna leh champion kan duhna kan lantir a ni. Kan chak loh avangin hreawm kan ti a, kan khelh dan erawh kan chhuang hle," a ti.

Juve manager chuan sawi chhunzawmin, "Goal hnihna kha inkhel danglamna chu a ni. Messi khan a chance neih hmang ṭangkaiin a khalh lut ṭha a, a ball pet Buffon-a'n dang mah se Suarez pet erawh dan theih a ni tawh lo," tiin an chak loh chhan a sawi.

Juventus keeper Gianluigi Buffon chuan, "Infiamnaah chuan lungngaihna tawn hun a awm a, tun hi chutiang hun chu a ni. Final-a kan chak zo lo hi a pawi takzet a, chutihrualin kan club hmasawnna erawh a zuanin a zuang a ni ber," tiin a thlen china a lungawi thu a sawi.

Kum 37-a upa keeper ropui Buffon hian Champions League nomawi a la chawi lo a, 2003 UCL-ah final thleng mah se penalty shootout-ah AC Milan an hneh lo.