India Under-19 coach atan Dravid

India cricket captain hlui Rahul Dravid chu India Under-19 leh A team coach a ni dawn tih thu chu BCCI secretary Anurag Thakur-a'n a puang.

Dravid-a hna hmasa tur chu July thlaa Australia A nen an inkhel tur leh August thlaa South Africa A nen an inkhelh huna India team A kaihhruai a ni ang. India Under-19 bik hi chuan nakum aṭangin a kaihruai ṭan chauh ang.

Thakur chuan, "Kan tan chuan Dravid-a'n Under-19 leh A team enkawl hna a thawk tur hi a lawmawm hle. Tawn hriat ngah leh mi rintlak tak a nih avangin beiseina sang tak nen kan lam lut a ni," tiin a sawi.

Kum 42 a upa Dravid hian Test match vawi 164 a khelh aṭangin run 13,288 a siam bakah ODIs vawi 344 a khelh aṭangin run run 10,889 a lo siam tawh bawk.