Everton player thar Cleverley
Everton chuan Manchester United aṭangin midfielder Tom Cleverley chu kum nga chhung cham turin free transfer-in an la lut.
Kum 24-a upa Cleverley hian tun season liamta khan Man United aṭangin loan-in Aston Villa a pan a, a contract neih lai hi June thla tawp rual hian a tawp ve tawh dawn avangin July 1 aṭangin Everton a pan dawn ta a ni. Villa tan hian match 30 khel hmanin goal thum a khung ve bawk.
Cleverley an lakluh avanga a lawmthu sawiin Everton boss Roberto Martinez chuan, "Engtiang chiahin nge fan ten an lo lawm ang tih pawh ka ngaihtuah thiam lo zawk, kan mamawh tak mai ka lalut thei hi kan tan chuan malsawmna a ni chiang hle. A kum ala tam loh avangin hmabak eng tak ala nei a, season thar min ti nghakhlel tute zing ami a ni dawn chiang," tiin a sawi.
Manchester United player ni chungin Leicester, Watford leh Wigan-ah te loan-in a lo kal kual tawha, Wigan-ah hian Martinez leh Cleverly hi an lo inhrawn tawh ṭhin nghe nghe.Matinez hian tunlaiah player man a to tawh viau laiin free transfer-a Tom an lalut thei chu lawmawm a tih thu a sawi tel bawk.