Henderson-a'n Liverpool a cham turin Sterling a duh

Liverpool vice captain Jordan Henderson chuan season tharah Sterling chu Liverpool-a a cham chhunzawm zel a beisei thu a sawi.

Kum 20-a upa Ster­ling hian Liverpool-ah contract thar a ziak duh lo a, club lian tak tak Manchester City, Real Madrid leh Manchester United te'n an hel mek nia sawi a ni.

Season thara Liver­pool captain ni tura beisei Hendo chuan, "Raheem hi mipuiin an ngaihdan ang hi a ni lo. Palyer fel leh thawkrim, team tana a theihna zawng zawng hlan ṭhin mi a ni. Nitin hian amahah hmasawnna hmuh tur a awm a, kum tam tak chhung Liverpool-ah hian kan khelh dun ka beisei a ni," a ti.

Sterling hian Li­verpool-ah cham chhun­zawm zel duh tawh lo mah se Reds manager Brendan Rodgers chuan English winger hian kum hnih lai Anfield-ah contract a la neih avangin chhuah tir tumna an neih loh thu a sawi a ni.