Pawisa ni lo in inkhelhṭhat kan duh - O'shea

Football Association of Ireland-in tunhnaiah kum 2009 World Cup play-off a France nen an inkhelh ṭuma Thierry Henry handball vangin FIFA-in euro maktaduai nga pe angin an insawi a, thawm a siam lian hle.

Kum 2009 World Cup play-off ah Ireland leh France an inkhel a, France-in an thiampuipa Henry phakar an chhawr ṭangkai a, Arsenal legend hian a kuta ball beng thla chungin Gallas tan ball siamsakin Gallas hian a pet goal a, France-in World Cup an khelh theih phah.

France chak dana lungawi lo Ireland court-ah an zualko a, FIFA chuan Ireland lam hi an thubuai hnuhdawh tirin euro maktaduai nga an pe a ni.

FAI chief executive John Delaney-a'n he thu hi a puanchhuah hnu lawkah khatih hunlaia France manager Raymond Domenech a ṭawngchhuak ve leh a, Ireland player te chuan pawisa kha an dawng ve tur a ni a ti.

Mahse, Manchester United defender hlui John O'Shea-a'n ngaihdan dang a nei thung. Republic of Ireland international chuan, "Sum hian minti buai lo a, khatih hunlai khan sum kan phut reng reng lo. Kan duh ber zawk chu inkhelh ṭhat leh kha a ni a, mahse kan duh angin thil a kal ta lo a ni," a ti.