Samson-a a zai dawn

Zanin Inter Village Football final-ah LPS Youth Icon top 5 Samson Lalhunruata a zai dawn. Samson hi Inter Village hnuhnung bera champion Champhai Kanan Venga cheng a ni.

LPS Youth Icon-ah khan Samson hian DNCHL, Ṭhahniangi, Di Inṭawm, Roosna Hmelṭha, Phul loh di, Hmangaihna par, I hlui thei lo leh El Salvador te a rawn sa a; ṭantu pawh a ngah.

Amah ngaisangtuten November 2, 2024 khan Vaivakawn Community Hall-ah thilpek an thlan a; Scooty (Aerox), refrigirator, laptop, washing machine, sofa set, wardrobe, dinning table set leh guitar te a dawng a ni.