Grandmaster-in Mizo coaching pe

Mizoram Chess Association (MCA) buatsaihin chess grandmaster Ankit Rajpara chuan December 9-13, 2024 chhung player thlan bik mi 20-te coaching a pe. Thlan bikte hi North East Chess Tournament, Tripura-a neih tura Mizoram aiawh turte an ni.

GM Ankit hi Gujarat aṭanga lo kal a ni a, a kalna senso zawng zawng hi All India Chess Federation (AICF) in an tum a, coaching hi MCA Hall, Chaltlang Lily Vengah an nei. Ankit hian chess inelnaah sulhnu ṭha tak a nei a, vawi ṭhahnem tak a champion tawh bakah state hrang hrang bakah India ram pawnah pawh chess coaching hi a pe tawh ṭhin.

MCA chuan GM Ankit hnuaiah Mizo naupangten hma an sawn ngei an beisei a ni.