East Bengal khelmualah Odisha

Zanin Indian Super League-ah inkhel pakhat a awm dawn a, zan dar 7:30-ah East Bengal chuan Odisha an mikhual dawn - season ṭantira beisei phak lo Odisha hi tun hnaiah insiamṭhain, an match hnuhnung pathumah point sarih an hlawh chhuak a, goal 10 ngawt an khung!

Odisha-ah hian Jerry Mawihmingthanga, Jerry Lalrinzuala, K. Lalṭhathanga (Puitea) leh Isak Vanlalruatfela ten hmun pawimawh an chang ṭhin a, zaninah pawh Mizo pali hi an hmel kan hmuh leh ngei a rinawm.

East Bengal pawh tun hnaiah an insiamṭha a, league match kua an khelh tawha vawi hnih an chak ve chu an league match hnuhnung pahniha an chak a ni - Odisha lakah an chet ṭhat hi chhunzawm an tum dawn.

Kolkata club-ah hian defender Lalchungnunga'n hmun pawimawh a chang ṭhin a, match hnuhnung berah red card vangin inlan thei lo mah se, zaninah chuan Durtlang tlangval hi squad-ah a lo kir thei tawh ang.