Player naupang chhawr tum Maresca

Zanin dar 9:00 hian Chelsea chuan UEFA Conference League khel truin Astana an lenchilh dawn a, Kazakhstan Premier League club lakah hian Blues manager Enzo Maresca chuan player naupang zawkte a khelhtir dawn tih a sawi.

Italian manager Maresca hian Conference League leh Premier League lamah a player hman a thlak hlawk ṭhin, season chanve lama a chhawr tur chin sqaud-ah huan Cole Palmer phei chu a ziak lut lo hial.

Maresca chuan, "Season tir lama ka sawi tawh ang khan thil a la danglam lo, inelna hmachhawn kan ngah avangin player inkhel thei kan neih tam a ngai. Tun ṭumah pawh hian player naupang ṭhenkhatin hun remchang an nei ang," a ti.

Chelsea hian match li an khelh tawh chinah hnehna an chang vek a, anmahni bakah Legia Warsaw chu chak kim thei an ni, playoff khelh ngai loa last 16 lut turin an dinhmun a ṭha tawk tawh hle a ni.