Ka bang dawn lo - Zidane

Real Madrid manager Zinedine Zidane chuan Shakhtar Donetsk an hneh loh zawhah ban a tum loh thu a sawi. 

Kum 48 mi Zidane chuan, "Ban tumna ka nei lo hrim hrim. Hun harsa leh khelh fuh loh lai hi chu a awm tur a ni a, hetiang karah hian hmalam pana kan kal zel a ṭul a ni. Dinhmun ṭha lo aṭanga tal chhuak thei turin player ka nei ṭha tawk a, kei leh player-te kan dinhmun siam ṭha turin kan theihna zawng zawng kan chhuah ang," tiin ban a tum loh thu a sawi.

French manager Zidane hian Real Madrid a enkawl hmasak zawkin a club hi Champions League nomawi pathum, La Liga nomawi pakhat bakah FIFA Club World Cup leh UEFA Super Cup pahnih ve ve a chawipui. 

Zidane awm loh hnuah Julen Lopetegui leh Santiago Solari ten Real Madrid an enkawl a, result ṭha an neih loh avangin club legend hi an ko let leh. Season liam ta khan Zidane hian La Liga a champion pui a, record thlirletin club chhanchhuak theitu tura a la inngai hi a mak lo.