CYMA Sports-in 2021 atan ruahmanna siam

CYMA hnuaia Sports Sub Committee chuan nimin khan kum 2021-a hmalak dan tur an rel a, Cricket, Volleyball, Athletics bakah Online Chess buatsaih dan kawng zawn nise an ti. Sports Sub Committee thurel hi CEC-in an ngaihtuah leh ang.

Nikum khan Cricket, Volleyball leh Athletics-ah inelna buatsaih tum a ni a, hmalakna pawh thui tak kalpui tawh ni mah se Covid-19 vangin ṭhulh a ni. Kum tharah erawh Sports Sub Committee hian inelna buatsaih ngei tumin ruahmanna an siam a, Covid-19 vanga harsatna a awm nawn a nih pawhin Online Chess inelna hmangin hmalakna an nei thei ang.

Sports Sub Committee chairman R. Lalrinmawia chuan, "Covid-19 vangin nun phung a danglam a, kumtharah chuan hri pawh hian ken lam a pan ngei ang. Sorkar SOP-in a phal a nih chuan inelna buatsaih ngei a ṭha a ni," tiin a sawi.

Kumin hi football inelna buatsaih hun a ni a, amaherawhchu Covid-19 vanga infiamna hmachhawp a awm bakah mipui pun khawm tamna a nih avangin football hi hmachhawp zingah telh a ni lo.