Hamilton-a'n Vettel thutlukna a fuh ring

Lewis Hamilton chuan a elpui Sebastian Vettel thutlukna chu a ṭha a tih thu a sawi a, chona thar a hmachhawn turah hlawhtlinna a chan ngei a beisei pui thu a sawi lang 

tel bawk.

German driver Vettel-a'n Ferrari tana a contract a hmang zo dawn, Italian club hian contract thar an zawrh loh avangin season tharah chuan Racing Point a zawm dawn tih a chiang tawh. 

Mercedes driver Hamilton chuan, "Racing Point hian neitu thar an nei, season tharah chuan Aston Martin an ni tawh dawn. Mi thar hnuaia awm an nih avangin danglamna an thlen dawn tih a hriat theih.

"Vettel tan chona thar leh hautak a ni dawn a, atan chuan pan tur dik tak a ni," a ti. Vettel hian Sergio Perez a thlak dawn a, Mercedes, Ferrari leh Red Bull te anga rinkai ni lo mah se nasa taka hmasawn theih erawh an inbeisei.