Kan chak loh vanga mittui tla ka ni - Pirlo

Italian midfielder ball pet thiam Andrea Pirlo chuan UEFA Champions League final-a a mittui tlak chhan kha Barcelona an hneh loh vang a nih thu a sawi.

Pirlo chuan, "Juven­tus ka chhuahsan dawn vanga mittui tla ka ni em? Ni lo, kan chak loh vanga mittui tla ka ni. Champions League nomawi chawi theihna hun ṭha tak kan nei a, kan bawhpelh kha ka ui takzet a ni," tiin a sawi.

Juventus director general Giuseppe Marotta chuan, "Pirlo thlak hi thil awlsam a ni lo. Sami Khedira lakluh tumin kan be ngei a, mahse Pirlo thlakna turin ni loin midfield belhna tur chauh a ni," tiin Pirlo chhawr zel an tum thu a sawi.