Iniesta a tel lo

UEFA Champions League final-a man of the match-a thlan Andres Iniesta chuan ti hrawl na a neih avangin Spain squad aṭangin an inhnukdawk.

Spain hian Ningani khian Costa Rica an hmachhawn dawn a, ni thum hnuah Euro 2016 qualifier-ah Belarus an khel leh ang.

Spain national team chuan, "Champions league final khel FC Barcelona leh Juventus player-te'n Thawhṭanni aṭanga training zawm phalna an nei a. Jordi Alba, (Marc) Bartra, (Sergio) Busquets, Pedro leh (Gerard) Pique, bakah (Alvaro) Morata ten kan training hmun Las Rozas de Madrid an rawn zawm ang a, Iniesta erawh inhliam vangin a tel thei lo ang," tiin thuchhuah an siam.

Spain hi Group C-ah awmin vawi nga khelh zawhah point 12 hmuin hmahruaitu Slovakia point thumin an pha lo.