City leh Hammers inkhelh hun chiang

Thlipui chi khat Storm Ciara vanga Manchester City leh West Ham inkhel tur chu sawn a nih hnuah an inkhelh hun tur tak tihchian a ni ta a, February 19 zan dar 1:00-ah Premier League club pahnih hi an inkhel ang. 

Club pahnih hi Pathianni zan khan inkhel tura tih an ni a, mahse thlipui tleh avangin a hun sawn a ni. Man City tan February 2-a Tottenham Hotspur an ngam loh hnua an match hmasa ber tur a ni - West Ham tan pawh February 1 zana 3-3 a Brighton & Hove Albion an inhnehtawkpui hnua an match hmasa ber tur a ni. 

Storm Ciara vanga club pahnih inkhelh hun sawn ngai hian City leh Hammers thlasik chawlh neih hun tura duan lawk (Feb 9 - Feb 22) pawh a tih buai phah a, inkhelh hun sawn avangin ruahmanna 

ṭhenkhat chu an tihdanglam ngei a ṭul ang. 

Hetihrual hian karleh hian Champions League last 16 khelh ṭan tur a ni dawn a, Manchester khaw club-in West Ham an mikhual zanah pawh hian match ṭhenkhat chu khelh a ni dawn a ni.