Belgium-in France an hneh

2016 European Cham­pionship thlengtu tur France-in Paris-ah Belgium an mikhual a, 3-4 in an tlawm.

Manchester United mid­fielder Marouane Fellaini-a'n first half-ah goal hnih a khung a, Everton player hlui hian second half-ah Radja Nainggolan goal khung tur a siam sak bawk.

Belgium-in goal thum an khung hnuah winger Mathieu Valbuena hmangin France-in goal khat khung mah se Premier League player of the year Eden Hazard penalty hmangin Belgium-in goal lina an khung.

France tan substitute Na­bil Fekir leh Dimitri Payet ten goal khat ve ve an khung a, mawi hnai takin an chak lo.

France hi 2016 Euro thlengtu an nih dawn avangin qualifier an khelh a ngai lo. Belgium erawh Group B hmahruaitu an ni mek a, Zirtawpni zana an hnuai chiaha awm Wales an hmachhawn ang.

Inkhel Results

Rep of Ireland 0 - 0 England

Russia 4 -2 Belarus

Serbia 4 - 1 Azerbaijan

France 3 - 4 Belgium

Croatia 4 - 0 Gibraltar