A tawpah India chak hram

Nimin khan India leh Australia ten ODI match vawi thum khelh tura a tawp berna an khel a, Virat Kohli hote run 13-in hnehna an chang.

Manuka Oval, Canberra-a inkhelah India ṭhumvawrah an vannei a, vuak hmasak an thlang. Captain Virat Kohli-a'n run 63 a siam a, Hardik Pandya (92*) leh Ravindra Jadeja (66*) ten a tawp an khar ṭhat avangin run 302/5 an siam.

Aussie-in ODI hmasa pahnihah 374 leh 389 an siam avangin mualneitu hi chak tura ngaih an la ni tho. Captain Aaron Finch-a'n run 75 siam mah se batsman huaisen David Warner awm loh 

a lang.

Mualneitu hian a tawp thlengin beiseina an nei chungin lower order batsman-te pressure sangah an talbuai. Indian bowler Shardul Thakur (51/3), Jasprit Bumrah (43/2) leh Natarajan (70/2) te che ṭhain over 49.3-ah an vawm hlum vek a, Australia hian run 289 an siam.

India leh Australia hian T20 hmangin an inel chhunzawm dawn. December 4, Zirtawpni hian match thum khelh tura hmasa ber an khel ṭan ang.