Newcastle leh Villa inkhelh hun an sawn

Zirtawpni zana Premier League khel tur Newcastle United leh Aston Villa an inhmachhawn thei rih dawn lo. Magpies player zingah Covid-19 kai an awm avangin an training ground khar a ngai hial a ni.

Newcastle player panga ngawtin hri an kai tih hmuhchhuah a ni. Thawhṭanni leh Thawhlehni khan an training-na hmun Darsley Park pawh an hawng thei lo, hei vang hian Villa Park an tlawh hun tur chu sawn an dil a, an dilna hi an pawmsak.

Inkhelh hun an sawn a, an khelh leh hun tur erawh tih chian theih a la ni lo. Newcastle khingpui tur Villa chuan an elpui club in harsatna an tawh hi an hrethiam a, inkhelh hun sawn an dilna pawh hi an thlawp tih an sawi. Tunkar tawp hian Newcastle player ṭhenkhat leh hna thawktute chu an dinhmun en an ni leh dawn a, hri kai hi la pung leh thei an ni. Premier League thuneitu lam chuan Magpies dinhmun hi an ngaihchan a ngai dawn.

Ruahman lawk dan chuan Steve Bruce-a naute hian December 12, Inrinni hian West Bromwich Albion an mikhual dawn a, chumi hnuah Leeds United an lenchilh ang - an match hmabak pawh hi a dinhmun a chiang thei ta rih lo.