Kum riat atan Perez an hrem

Spanish tennis player Enrique Lopez Perez chu 'match-fixing' vanga hrem a ni a, dan a bawh-chhiat vang hian kum riat chhung tennis khel thei lo turin a chungah hremna lek kawh a ni.

Tennis Integrity Unit (TIU) tarlan dan chuan kum 2017 chhung khan Perez hi match-fixing chungchangah vawi thum ngawt a inrawlh. Inkhel thei lo tura hrem a nih bakah hian $25,000 (Rs 18,44,338) an chawitir bawk.

TIU chuan thuchhuah siamin, "Tennis huanga dan bawhchhiate hremtu zinga mi officer Richard McLaren kaihhruaina hnuaiah thutlukna hi siam a ni, zirchianna aṭanga a lan dan chuan kum 2017 chhung khan inkhelh dan phungah dik lo takin vawi thum a tisual a ni," an ti.

Nikum December thla aṭang khan Perez hi hrem lailawk a lo ni tawh a, kum 29 mi a nih tawh avangin season riat hremna a hmachhawn a nih chuan a tennis zin kawng chu a tawp nghal tihna a ni ang.