Lakers-ah Dudley a kir

Los Angeles Lakers chuan tun hma lama an player lo ni tawh ṭhin Jared Dudley an la let a, season khat daih inremna an siampui.

NBA champion hian kum 35 mi an lakluh thu hi an puang chiang a, season thar inbuatsaih turin player 13 an ziak lut tawh. Dudley hi a kum a tam tawh avangin rinrawl a ni lo mai thei a, a tawnhriat erawh a ṭangkai ang.

Boston Celtics erawhin chanchin lawmawm lo an nei. Point guard Kemba Walker chu a khup a hliam a, nakkum January thla laihawl vel thleng a chawlh a ngai dawn. Basketball inelna sang ber NBA season thar hi December 22 aṭang hian regular season khelh ṭan a ni dawn a, tun thlatir aṭang khan team inlan tur chuan training camp an nei ṭan tawh.