Bilic-a enkawl West Brom hmaah Foxes

Premier League kai thar West Bromwich Albion-in Pathianni zan dar 6:30-ah Leicester City an mikhual dawn. Hawthorns-a inkhel tur ni mah se mikhual Foxes hian league-a Baggies an hmachhawn hnuhnung paliah hnehna an chan vek avangin point thum hlawhchhuah ngei an tum dawn. 

Brendan Rodgers-a hote hi season liam ta khan hun rei zawk a sang paliah awm mah se a tawpah pangana an ni ta daih. Inhliam vangin Leicester City-in Champions League an khel thei lo a, season thara an buaina tur pawh player inhliam tho a ni.

Foxes player pawimawh pathum James Maddison, Ricardo Pereira leh Jonny Evans te an inhliam a, first team zinga mi Filip Benkovic-a'n match fitness a nei lo. Centre back-ah Caglar Soyuncu chiah senior player dam ṭha 

a awm.

League ṭan hmaa friendly match hnuhnung pahnihah Sheffield Wednesday leh Blackburn Rovers nen an inhnehtawk ve ve a, an result hian West Brom tan phurna a siam zawk ngei ang. Leicester City-in Atalanta aṭangin right back Timothy Castagne an lak bak player langsar an 

lalut lo. 

Baggies-in player langsar la bik lo mah se first team player panga an lalut. West Brom hian Premier League-a tawnhriat nei tawh Hal Robson-Kanu leh Charlie Austin te an kawl sa a, season liam ta khan league-ah goal 10 ve ve an khung. 

Baggies manager Slaven Bilic hian tawnhriat a nei ṭha viau bawk. Croatian manager hian a inkhelh hun laiin West Ham leh Everton tan a khel tawh a, manager a nih hnuah an ram Croatia bakah Besiktas leh West Ham te a enkawl tawh. Season liam ta khan Championship-ah pahnihna an ni a, Premier League-ah erawh an hna hmasa ber tur chu inhamtan a ni.