Liverpool Academy-ah Mizo hming a mawi

Liverpool Interna­tional Football Academy-DSK Shivajians chuan Thawhṭanni zan khan Award chi hnih an sem a, Mizo rawlthar ve vein an dawng.

Team captain Jerry Mawihming­thanga'n Player's Player of the Year award a dawng a, Lallianzuala'n goal khung tam berin Golden Boot Award a dawng thung.

Lunglei rawlthar Lianzuala hi Lunglei FC-in MPL3 an khelh theih na kawngah top scorer a ni. I League U19 khelh zawh takah khan Lianzuala hian goal 12 khungin top scorer a ni.

Chanmari rawlthar Jerry hian MPL2-ah Chanmari FC a champion pui a, MPL1 leh MPL2 khan Chanmari U17 champion puiin best player leh top scorer chawimawina a dawng ve ve.

Jerry hian Mizoram chhunga a khelh laiin record a neih ṭhat avangin ZoFooty website-in kum hnih a zawnin Young Player of the Year-ah an thlang bawk.