Fiorentina-in an coach an ban
Serie A club Fiorentina chuan an manager Vincenzo Montella chu a hna aṭangin an ban. Kum 40-a upa manager hiaan Fiorentina-ah hian kum hnih dang cham turin contract a la nei a, mahse Italian club hian ban an thlang ta zawk a ni.
Season thum Fiorentina a kaihhruai chhunga Serie A palina dinhmun hauhpui char char tu Montella hi ban a nih hma hian coach nei lo Napoli leh AC Milan nen sawizawm an ni a, hetiang boruak vel avang hian Montella hi club tana inpe tawk loah Fiorentina chuan an ngai a ni.
Fiorentina thuchhuak chuan, "Zahawm tak leh nunphung pangngai taka he club enkawltu hi kan mamawh a, kan duh ber chu club tana inpe mi a ni, " tiin Italy striker hlui Montella chu an dem.